Home कला-संस्कृति घणघोर घटा या साम्मण की, आज झूल घली सैं काम्मण की

घणघोर घटा या साम्मण की, आज झूल घली सैं काम्मण की

0
0Shares

Yuva Haryana News
@कवि इंद्रजीत

आ तीज मनावां

झूले पै तन्नै झुला द्यूं ,आ तीज मनावां
तन्नै शिखर अटारी चढ़ा द्यूं ,आ तीज मनावां

घणघोर घटा या साम्मण की
आज झूल घली सैं काम्मण की
एक झोटा तन्नै खुवाद्यूं ,आ तीज मनावां
झूले पै तन्नै झुला द्यूं ,आ तीज मनावां

आज बारिश के म्हा न्हावांगे
हम गर्म पकोड़े खावांगे
थोड़ा घेवर भी तुल्वादु, आ तीज मनावां
झूले पै तन्नै झुला द्यूं ,आ तीज मनावां

सब छोरी झूल्लण जावैं सैं
वे गीत सुरीले गावैं सैं
साम्मण के गीत सुणा द्यूं,आ तीज मनावां
झूले पै तन्नै झुला द्यूं ,आ तीज मनावां

इन्द्रजीत सुमर रब नै
तीज मुबारक हो सब नै
एक ताज़ा गीत बणादूं, आ तीज मनावां
झूले पै तन्नै झुला द्यूं ,आ तीज मनावां

कवि इन्द्रजीत

Load More Related Articles
Load More By Yuva Haryana
Load More In कला-संस्कृति

Leave a Reply

Your email address will not be published. Required fields are marked *

Check Also

Haryana में Corona के आज 793 नए मामले आए सामने, हर जिले का हाल जानिये-

Yuva Haryana News Chandigarh, 13 August, 2020 हरियाण&#…